Hvað um það, núna er komin febrúar, sem mér finnst fínn mánuður og viti menn ekki útaf valentínusardegi þar sem ég held ekki upp á hann.
Janúar er ekki sá skemmtilegasti, skólinn að byrja eftir jólafrí, allir útþemdir af jólakökum og ekki má gleyma því að þá er komið nýtt ár og það er ekki slæmt að vísu.
Janúar hefur alltaf verið leiðinlegur fyrir mér, alltaf þreytt og löt, en núna er ég loksins að komast í réttu rútínuna. Febrúar kominn og margt spennandi framundan þá helst það að ég fer til Bretlands eftir 2 vikur SPENNANDI...
Ég er að fara til Leeds/Ilkley sem er bær í vesturhluta Bretlands og þar býr besta vinkona mín Malen, hún flutti þangað um miðjan ágúst með fjölskyldunni sinni þar sem pabbi hennar er í 1 árs námi.
Ég, mamma og Halla (besta vinkona okkar) förum saman og ætlum að vera í viku.
Hlakka svo til að hitta þau öll eftir 6 mánaða fjarveru en ég blogga meira um ferðina seinna.
Febrúar byrjaði bara vel, fyrsta vikan var frekar venjuleg (skóli-fótboltaæfing-heim), nema á þriðjudeginum var starfsdagur kennara þannig það var mjög kósý að sofa út í miðri viku.
Um helgina komu bróðir minn og kærastan hanns í heimsókn en þau búa í Reykjavík.
Ég var að hitta kærustuna hanns í fyrsta skipti og það var mjög gaman að kynnast henni.
Laugardagskvöldið fóru þau, ásamt mömmu og pabba og systur minni á Króksblót sem er þorrablót hér á Sauðárkróki, en aldurstakmarkið er 18 ára svo ég fór ekki með.
Við frændsystkinin hittumst og gistum, borðuðum pizzu og nammi og horfðum á mynd. Held ég hafi sjaldan borðað jafn mikið af nammi en jájá ræðum það ekkert.
Þetta var 4 daga helgi þar sem það voru foreldraviðtöl á mánudaginn. Ég mætti klukkan 2 með foreldrum mínum og fékk vitnisburð fyrir miðönnina og það kom vel út og ég er mjög sátt.
Var ekki lengi í sæluvímu þar sem veikindin bönkuðu upp á.
Það ringdi úr augunum á mér og ég hnerraði stanslaust þetta var orðið dáldið þreytandi, ég hef alltaf verið mjög góð í því að ná mér í kvef...
Þetta breyttist reyndar í 5 daga helgi þar sem ég fór ekki í skólan í gær því þá var ég komin með hita.
Soldið þreytandi að liggja heima í tölvunni tvo daga í röð, ég lá yfir tískubloggum og youtube channelum allan liðlangan daginn, en það besta er að ég fékk FULLT af hugmyndum til að blogga um og lærði heilmarkt sem ég þarf að deila með ykkur seinna.
Í dag fór ég hinsvegar í skólann sem var nú bara gaman eftir "langt" frí. Fyrstu tveir tímarnir voru stærðfræði en við þurftum að taka 100 spurninga lífstílskönnun sem allir krakkar í 8-10 bekk á Íslandi taka.
Þetta var reyndar aðeins betra en að vera í stærðfræðinni (stærðfræðilöt).
Eftir skóla fór ég í starfsþjálfun en ég er í starfsþjálfun á Leikskólanum Ársölum-yngra stigi, það er mjög skemmtilegt að vera með litlu börnunum og manni líður svo vel þarna.
Fór síðan á fótboltaæfingu en ég byrjaði á því að hita upp í íþróttahúsinu og skokkaði 1 og hálfan kílómeter uppi á hlaupasvæði það var hressandi. Síðan dreif ég mig út á gerfigras á æfingu. Kvöldið leið svo hratt og ég var búin að ákveða að fara að sofa klukkan 10, en klukkan er korter í 12...
Nú er ég að komast í rútínu og reyni að fara að sofa fyrir 12 en ekki í kvöld greinilega, en það er væntanlega því ég svaf mikið síðustu nætur. Er byrjuð að taka til föt áður en ég fer að sofa og mér finnst það svo mikið þæginlegra en að vakna og taka sér alltof mikinn tíma í að finna sér föt og mála sig.
Ætla að rífa mig upp klukkan 7 og taka mér fínan tíma í að græja mig.
Eigið góða viku
xx Berglind ♥♥
